تازہ ترین

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

کویت: شناختی کارڈ گھروں پر پہنچانے کی سروس شروع

کویت سٹی: کرونا وائرس کے باعث حکام نے لوگوں کے شناختی کارڈ ان کے گھروں پر پہنچانے کی سروس شروع کردی، سروس کا آغاز آج سے ہوگا۔

کویتی میڈیا کے مطابق کویت کی پبلک اتھارٹی برائے سول انفارمیشن نے آج سے سول شناختی کارڈز لوگوں کے گھروں تک پہنچانے کی سروس کا آغاز کیا ہے۔ پی اے سی آئی نے تفصیلات کے ساتھ اپنے ٹویٹر اکاؤنٹ پر ایک ویڈیو بھی جاری کی ہے۔

پبلک اتھارٹی برائے سول انفارمیشن کے ڈائریکٹر جنرل مساعد الاسوسی کا کہنا ہے کہ اب شہری اور غیر ملکی رہائشی کسی بھی برانچ کا دورہ کیے بغیر بہت آسانی سے سول شناختی کارڈ (بطاقہ) حاصل کر سکتے ہیں جس کی وجہ سے برانچوں میں بھیڑ بھی کافی حد تک کم ہوجائے گی۔

انہوں نے کہا کہ اس نئی خصوصیت سے وقت اور مشقت کی بچت ہوگی اور صحت سے متعلق اقدامات کو محفوظ رکھنے اور کرونا وائرس کا انفیکشن پھیلنے سے بچنے کے لیے سماجی فاصلہ بھی برقرار رہے گا۔

ڈائریکٹر کا کہنا تھا کہ اتھارٹی نے سول شناختی کارڈز کی فراہمی کے لیے ایک لیڈنگ کمپنی سے معاہدہ کیا ہے۔ ایک کارڈ ڈلیوری سروس کی فیس 2 دینار ہے جبکہ اسی پتے پر فراہمی کے لیے اضافی 250 فلس وصول کیے جائیں گے۔

یہ خدمت کارڈ کی ترسیل کی ویب سائٹ سے حاصل کی جاسکتی ہے جو درخواست اور سول کارڈ کی فراہمی کے مراحل کو قابل عمل بنائے گی، تیار شدہ کارڈ کمپنی کے حوالے کرنے کی تاریخ سے 2 دن کے اندر صارف کو فراہم کردیا جائے گا۔

الاسوسی نے مزید بتایا کہ اتھارٹی اس بات کو یقینی بنانا چاہتی ہے کہ کارڈز کو خفیہ حیثیت میں مہر بند لفافے میں پہنچایا جائے جس میں اتھارٹی کا لوگو موجود ہو۔ نیا سول کارڈ حاصل کرنے کے لیے کمپنی کو دستاویزات کی اجازت دے کر ڈلیوری کمپنی کے نمائندے کو پرانا سول کارڈ مہیا کرنا ضروری ہے۔

Comments

- Advertisement -