کویت : وزارت صحت کویت کی جانب سے کوویڈ19 پی سی آر ٹیسٹ کی قیمت میں کمی کا اعلان کیا گیا ہے، اس فیصلے کا اطلاق اگلے اتوار کے روز سے ہوگا ۔
اس حوالے سے اسسٹنٹ انڈر سیکرٹری وزارت صحت کا کہنا ہے کہ کویت میں پی سی آر ٹیسٹ کی قیمت زیادہ سے زیادہ 14 دینار مختص کر دی گئی ہے۔
تفصیلات کے مطابق سول میڈیکل سروسز امور وزارت صحت کی اسسٹنٹ انڈر سیکرٹری ڈاکٹر فاطمہ النجار نے پی سی آر ٹیسٹ کی قیمت کم سے کم 14 کویتی دینار کرنے کی منظوری کا اعلان کیا ہے۔
اس فیصلے کا اطلاق اگلے اتوار کے روز سے ہوگا اس کے علاوہ النجار نے گذشتہ روز جمعرات کو ایک پریس بیان میں کہا کہ اینٹیجن ٹیسٹ کی قیمت کو بھی کم کرنے کی منظوری دی گئی ہے۔
چاہے اسے نجی فارمیسیز سے خریدا جائے یا علاج معالجے کے سینٹر میں استعمال کیا جائے اس ٹیسٹ کی ذیادہ سے زیادہ قیمت 3 دینار ہوگی۔
انہوں نے بتایا کہ یہ ان ٹیسٹوں کی قیمتوں کی مسلسل تشخیص اور ان کے متواتر جائزے کے فریم ورک کے اندر آتا ہے جو کہ کورونا وائرس کوویڈ 19 سے نمٹنے کی کوششوں کے حصے کے طور پر سامنے آیا ہے۔
