The news is by your side.

Advertisement

کورونا وائرس : پاکستانی ڈاکٹرز اور پیرا میڈیکل اسٹاف کی ٹیم کویت پہنچ گئی

کویت سٹی : کورونا وائرس کے سدباب اور مریضوں کے علاج کیلئے پاکستان اور کویتی حکومت کے مابین ہونے والے ایک معاہدے کے تحت پاکستانی طبی عملہ کویت روانہ کیا گیا ہے۔

اس حوالے سے کویتی وزارت صحت نے کہا ہے کہ پاکستان سے196 افراد پر مشتمل طبی عملہ کورونا کے انسداد کے لیے کویت پہنچ گیا ہے۔

کویتی نیوز ایجنسی کے مطابق پاکستانی طبی عملے میں 41 ڈاکٹر، 131 نرس اور 24 ٹیکنیکلز ہیں جو کویت کے مختلف اسپتالوں میں خدمات انجام دیں گے۔

پاکستان میں کویت کے سفیر نصار المطیری نے طبی عملہ بھیجنے پر کرنے پر پاکستانی حکومت کا شکریہ ادا کیا ہے۔ ان کا کہنا ہے کہ کویت اور پاکستان کے تعلقات انتہائی مستحکم ہیں۔

ان کا مزید کہنا تھا کہ کویت کورونا وائرس کے انسداد کے لیے پاکستان کے ساتھ ہر طرح سے تعاون جاری رہے گا۔

واضح رہے کہ کویتی وزارت صحت نے پاکستانی وزارت صحت کے ساتھ چار جولائی کو صحت کے شعبے میں تعاون کا معاہدہ دستخط کیا تھا۔

اس معاہدے کے تحت دونوں ممالک کے درمیان طبی عملے کا تبادلہ اور صحت کے شعبے میں تعاون کو فروغ دیا جائے گا۔

Comments

یہ بھی پڑھیں