The news is by your side.

Advertisement

کویت کرفیو : ملزم نے پولیس اہلکار پر پستول تان لی، پھر کیا ہوا؟

کویت سٹی : قانون توڑنے والا قانون کے رکھوالوں کو جان سے مارنے کی دھمکیاں دینے لگا، پولیس اہلکاروں نے اسے جانے کی اجازت دے دی۔

تفصیلات کے مطابق کویت میں رات کے کرفیو کی خلاف ورزی کرنے والے ایک شخص نے گرفتاری سے بچنے کے لئے پولیس اہلکار پر  پستول تان لی۔

کویتی میڈیا رپورٹ کے مطابق کویت میں رات کے کرفیو کی خلاف ورزی کرنے والے افراد کی گرفتاری کے لئے ناکہ بندی جاری تھی کہ اس دوران موٹر سائیکل پر سوار شخص وہاں پہنچا۔

ایک پولیس اہلکار نے موٹر سائیکل سوار کو روکا تو اس نے اچانک پولیس اہلکار پر پستول تان لی اور دھمکی دی کہ کہ اگر مجھے گرفتار کرنے کی کوشش کی تو پولیس اہلکار کو گولی ماردوں گا۔

اس موقع پر پولیس اہلکاروں نے وقتی طور پر اسے گرفتار نہ کرنے کا فیصلہ کیا اور نامعلوم شخص کو جانے دیا۔ پولیس کے چنگل سے نکلنے کے بعد نامعلوم مسلح شخص نامعلوم سمت کی جانب فرار ہوگیا۔

واقعے کے بعد پولیس اہلکاروں نے متعلقہ تھانے کو اطلاع دی اور بعد ازاں ملزم کیخلاف اہلکاروں کو قتل کرنے کی کوشش اور دھمکیاں دینے کا مقدمہ درج کرلیا،

اس حوالے سے پولیس حکام کا کہا کہنا ہے کہ ملزم کی شناخت کے بعد اسے جلد گرفتار کرلیا جائے گا

واضح رہے کہ کویتی حکومت نے گذشتہ ہفتے کرفیو کے اوقات میں کمی کرتے ہوئے جزوی صحت کے کرفیو میں 22اپریل تک توسیع کی تھی۔

Comments

یہ بھی پڑھیں