The news is by your side.

Advertisement

کویت کے صحرائی علاقوں کے عوام کیلئے اچھی خبر

کویت : محکمہ موسمیات نے سردی کی شدید لہر آنے کی پیشنگوئی کردی ہے، محکمہ موسمیات نے آج بروز جمعرات کو اعلان کیا ہے کہ دن کے وقت موسم سرد جبکہ رات کو شدید سرد رہے گا۔

محکمہ موسمیات کے مطابق ملک کے بعض علاقوں بالخصوص زرعی اور صحرائی علاقوں میں ٹھنڈ پڑنے کے قوی امکانات ہیں۔

موسم کی پیشن گوئی کرنے والے مبصر عبدالعزیزالقراوی نے مزید کہا کہ ملک شمال مغرب سے یورپی ہواؤں توسیع سے متاثر ہوا ہے اس کے ساتھ تیز ٹھنڈی ہوا بھی ہے جس کی وجہ سے درجہ حرارت میں نمایاں کمی واقع ہوئی ہے۔

القراوی نے کہا کہ متوقع زیادہ سے زیادہ درجہ حرارت 13 سے 15 ڈگری سیلسیس کے درمیان اور کم سے کم درجہ حرارت ایک سے 5 ڈگری سیلسیس کے درمیان متوقع ہے۔

انہوں نے وضاحت کی کہ جیسے جیسے جمعرات کو دن بڑھتا جائے گا یورپی ہوا کا حجم گہرا ہوتا جائے گا اس کے ساتھ ایک بہت ہی سرد اور تیز ہوا کا ماس ہوگا جو کچھ علاقوں خاص طور پر کھلے علاقوں میں دھول اُٹھائے گا اور سمندری لہریں 6 فٹ سے زیادہ بلند ہوں گی۔

انہوں نے توقع ظاہر کی کہ کل شام موسم انتہائی سرد رہے گا اور صحرائی علاقوں میں کم از کم درجہ حرارت صفر ڈگری سیلسیس سے نیچے گر جائے گا۔

انہوں نے اشارہ کیا کہ سرد موسم اگلے جمعہ اور ہفتہ کو دن کے وقت تک جاری رہے گا جس میں اعتدال سے تیز شمال مغربی ہوائیں چلیں گی اور متوقع زیادہ سے زیادہ درجہ حرارت 11 سے 13 ڈگری سیلسیس کے درمیان رہے گا جبکہ موسم رات کے وقت شدید سرد ہو گا جس میں کم سے کم درجہ حرارت منفی 1 سے 3 ڈگری سیلسیس اور سمندری لہریں 7 فٹ سے زیادہ اٹھ سکتی ہیں۔

Comments

یہ بھی پڑھیں