The news is by your side.

Advertisement

کویت حکومت کا تارکینِ وطن کے حوالے سے بڑا فیصلہ

کویت سٹی: کویت کی حکومت ایک نئے قانون کے ذریعے آئندہ چند ماہ میں ملک میں رہائش پذیر تارکین کی تعداد کو کم کرے گی۔

عرب نیوز کے مطابق کویت کی اسمبلی کے اسپیکر مرزوق الغنیم کا کہنا ہے کہ کویت مزدوروں کے بجائے ہنرمند تارکین پر توجہ دے گا اور ایسے 13 لاکھ غیرملکی جو ناخواندہ ہیں یا محض پڑھ سکتے ہیں، ان کو ملک میں ترجیح نہیں دی جائے گی۔

مرزوق الغنیم کا کہنا تھا کہ اپ گریڈ کیے گئے مسودہ قانون کے مطابق ہر سال کمپنیوں کے ذریعے بھرتی ہونے والی غیر ملکی شہریوں کی تعداد کو بھی محدود کیا جائے گا اور غیر ملکیوں کی مہارت کی بنیاد پر بھی قواعد شامل کیے جائیں گے۔

کویت کے اسپیکر قومی اسمبلی نے کہا کہ کویت کی پارلیمنٹ کا مقصد نومبر کے انتخابات سے قبل اکتوبر تک اس حوالے سے قانون سازی کرنا ہے۔

یو اے ای کے روزنامہ گلف نیوز کے مطابق گزشتہ ماہ کویت کے وزیراعظم شیخ صباح الخالد الصباح نے ملک میں مقیم تارکین وطن کی تعداد کو 70 فیصد سے کم کر کے 30 فیصد کرنے کی تجویز دی تھی۔

کویت حکومت نے زائد المیعاد اقامہ رکھنے والوں کو بڑی خوش خبری سنادی

یاد رہے کہ گزشتہ ہفتے کویت کی حکومت نے زائد المیعاد اقامہ یا ویزہ رکھنے والے 15 ہزار غیر ملکی باشندوں کو ملک بدر نہ کرنے کا اعلان کیا تھا۔

fb-share-icon0
Tweet 20

Comments

comments

یہ بھی پڑھیں