The news is by your side.

Advertisement

کویت میں خوفناک واقعہ : تین افراد اچانک زمین میں دھنس گئے

کویت سٹی : زیر تعمیر ایئر پورٹ پر ہونے والے خوفناک حادثے میں اب تک ایک شخص کے جاں بحق ہونے کی اطلاع ہے امدادی کارروائیاں جاری ہیں۔

کویت کی سرکاری فائر بریگیڈ فورس نے کہا ہے کہ نئے زیر تعمیر ایئرپورٹ میں زمین دھنس جانے پر تین مزدور دب گئے۔ امدادی ٹیمیں جائے وقوعہ پہنچ گئیں اور ملبے تلے دبے مزدوروں کو نکالنے کی کارروائی شروع کردی۔

کویتی وزارت اطلاعات و نشریات نے ٹوئٹر پر بیان میں کہا کہ فائر بریگیڈ کے اہلکار کویت کے نئے ایئرپورٹ پر ریت کا تودہ دھنس جانے سے پیدا ہونے والی صورتحال سے نمٹنے کی کوشش کررہے ہیں۔

کویتی خبررساں ادارے کونا کے مطابق واقعہ ریت کا تودہ دھنسنے کی وجہ سے پیش آیا۔یہ نہیں بتایا گیا کہ زمین کا کتنا حصہ دھنسا ہے اور اس کے اسباب کیا ہیں؟۔

کویتی میڈیا کا کہنا ہے کہ وزیر مملکت برائے مواصلات و انفارمیشن ٹیکنالوجی رنا الفارس نے کویت کے زیرتعمیر نئے ایئرپورٹ کا دورہ کرکے نقصانات کا جائزہ لیا ہے۔

کویتی وزارت اطلاعات کا بیان میں کہنا ہے کہ ملبے سے ایک مزدور زندہ نکال لیا گیا جبکہ دیگر کی دو تلاش جاری ہے۔

Comments

یہ بھی پڑھیں