کویت: العمریہ کے علاقے میں گزشتہ روز ایک افسوسناک واقعہ رونما ہوا تھا، جب ایک بھارتی عاشق نے اپنی 35سالہ فلپائنی محبوبہ کو موت کی نیند سلا دیا تھا۔ جس کے بعد قاتل نے اپنی زندگی کا خاتمہ کرنے کی بھی کوشش کی تھی، تاہم اس کی زندگی بچالی گئی تھی۔
خاتون کو قتل کرنے کے بعد بھارتی شہری نے خود پر بھی چاقو کے وار کئے تھے، ریسکیو اہلکاروں نے فوری کارروائی کرتے ہوئے مذکورہ کو شخص اسپتال کردیا تھا، جہاں اس کی حالت انتہائی تشویشناک بتائی جارہی تھی۔
بین الاقوامی خبر رساں ادارے کی رپورٹ کے مطابق بھارتی نژاد شہری اب اسپتال میں دم توڑ چکا ہے۔جس کے بعد ضروری قانونی کارروائی عمل میں لائی جارہی ہے۔
پراسیکیوشن کا کہنا ہے کہ مشتبہ قاتل کو پولیس کے پہرے میں ہسپتال منتقل کیا گیا لیکن وہ ہوش میں آنے سے قبل ہی موت کی وادی میں چلا گیا۔
ذرائع نے تصدیق کی ہے کہ جاسوسوں نے گھر میں لگے سی سی ٹی وی کیمروں کی جانچ شروع کر دی ہے، جس میں اس جرم کی دستاویزی دستاویز درج ہے کہ وہ کس طرح گھر میں داخل ہوا اور سنگین جرم کا مرتکب ہوا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں