The news is by your side.

Advertisement

کویت: بھارتی منشیات فروش رنگے ہاتھوں گرفتار

کویت سٹی: کویت کے معروف علاقے سالمیہ سے بھارتی منشیات فروش گرفتار کر لیا گیا۔

تفصیلات کے مطابق کویت میں سالمیہ کے علاقے میں ایک بھارتی باشندے کو آدھا کلو ہیروئن اور کرسٹل کے ساتھ گرفتار کر لیا گیا۔

رپورٹس کے مطابق منشیات فروش نے جب پولیس کو گشت کرتے دیکھا تو بھاگ گیا، اہل کاروں نے اسے پکڑ لیا، معلوم ہوا کہ وہ رہائش کے قانون کی بھی خلاف ورزی کر رہا تھا، اور اس کے پاس رہائشی اجازت نامہ نہیں تھا، اہل کاروں نے اس کے قبضے سے ایک بیگ برآمد کیا جس میں منشیات موجود تھی۔

خیال رہے کہ کویت وزارت داخلہ نے الجہرہ گورنریٹ میں ایک مہم کا آغاز کیا ہے، جس کے پیش نظر 62 غیر ملکیوں کو گرفتار کیا گیا، جن میں 45 بغیر شناختی ثبوت کے، 4 ایکسپائرڈ اقامہ کے ساتھ، 1 مطلوب شخص، 12 لیبر لا کی خلاف ورزی کرنے والوں کو گرفتار کیا گیا۔

تمام خلاف ورزی کرنے والوں کو ان کے خلاف ضروری قانونی کارروائی کرنے کے لیے مجاز اتھارٹی کے پاس بھیجا گیا۔

وزارت داخلہ کے مطابق گزشتہ ہفتے کے دوران 156 نابالغوں کو استغاثہ کے حوالے کیا گیا، 4 جون سے 09 جون 2022 تک ٹریفک کی خلاف ورزیوں کے ہفتہ وار اعداد و شمار بتاتے ہیں کہ جنرل ٹریفک ڈیپارٹمنٹ نے 23,473 ٹریفک چالان جاری کیے، 110 گاڑیاں ضبط کی گئیں، 65 موٹر سائیکل سواروں کو احتیاطی تدابیر کے طور پر گرفتار کیا گیا، اور 13 افراد کو قانون کے حراست میں لے کر کٹہرے میں لایا گیا۔

Comments

یہ بھی پڑھیں