The news is by your side.

کویت : فضائی مسافروں کیلئے بڑی سہولت کا اعلان

کویت : "کویت مسافر” ایپلی کیشن پر پی سی آر ٹیسٹ کی پیشگی ادائیگی کی شرط جو کہ 20 دینار تھی منسوخ کردی گئی ہے۔

تفصیلات کے مطابق سول ایوی ایشن کی جنرل ایڈمنسٹریشن نے کورونا وائرس کے سبب ملک میں غیر یقینی صورتحال کے پیشِ نظر سفری طریقہ کار کو آسان بنانے اور غیرملکیوں کے وطن لوٹنے کے لئے اہم اقدامات شروع کردیئے ہیں۔

ان اقدامات میں سب سے اہم پی سی آر ٹیسٹ فیس جو کہ 20 دینار مختص کی گئی تھی کی پیشگی ادائیگی کی ضرورت کو منسوخ کردیا ہے۔ اب "کویت مسافر” پلیٹ فارم پر پی سی آر ٹیسٹ کے لئے پیشگی ادائیگی کی ضرورت نہیں ہوگی بشرطیکہ مسافر ایک ہفتے تک گھر کے قرنطینہ کی مدت پوری کریں۔

کویت واپس آنے کے طریق کار میں ذرائع نے وضاحت کی کہ ملک میں ویکسین وصول کرنے والے (ایمیون /مائی آئی ڈینٹیٹی ) ایپلی کیشن میں سبز رنگ کے نمودار ہونے کے بعد شلونک ایپلی کیشن اور "کویت مسافر” پلیٹ فارم میں اندراج مکمل کریں گے۔

جس کے بعد ان پر ملک میں آمد کے بعد اگلے ایک ہفتے کیلئے گھریلو قرنطینہ لاگو ہوجائے گا لیکن اگر تارکین وطن گھریلو قرنطینہ کو ختم کرنا چاہتے ہیں تو قرنطینہ کی مدت کے دوران سنگل پی سی آر ٹیسٹ دے سکتے ہیں۔

تاہم اس پی سی آر ٹیسٹ کی انہیں مخصوص رقم ادا کرنی ہوگی۔ پی سی آر ٹیسٹ کا نتیجہ منفی آنے کی صورت میں وہ گھریلو قرنطینہ کی شرط سے فوری آزاد ہوجائیں گے۔

Comments

یہ بھی پڑھیں