کویت سٹی : حکومت کویت نے پرائیویٹ اسکولوں میں اساتذہ کیلئے ڈرائیونگ لائسنس حاصل کرنے کے نئے قواعد و ضوابط جاری کیے ہیں۔

اس حوالے سے کویتی ذرائع ابلاغ کا کہنا ہے کہ محکمہ ٹریفک حکام نے نجی اسکولوں میں کام کرنے والے غیر ملکی اساتذہ کو نیا ڈرائیونگ لائسنس جاری کرنے کیلئے تین شرائط لاگو کی ہیں۔

اس حوالے سے ترجمان محکمہ ٹریفک نے بتایا ہے کہ پرائیویٹ اسکولوں میں ڈیوٹی پر مامور اساتذہ جو کم از کم دو سال تک کویت میں یونیورسٹی کی ڈگری اور رہائش کے ساتھ 600دینار اور اس سے اوپر کی ماہانہ تنخواہ وصول کرتے ہیں صرف وہی افراد نئے ڈرائیونگ لائسنس کیلئے درخواست دینے کے اہل ہوں گے۔

کویتی ذرائع ابلاغ سے حاصل کردہ مصدقہ حکومتی احکامات میں کہا گیا ہے کہ تمام چھ گورنریٹ ڈرائیونگ لائسنس ڈیپارٹمنٹ سال2020کی وزارتی قرارداد نمبر270کی پاسداری کریں گے جو پیراگراف ڈی کے طے شدہ1976میں وزارتی قرارداد نمبر81 کی کچھ شقوں میں ترمیم سے متعلق ہے۔