کویت کے امیر شیخ نے صباح ال خالد کو شاہی حکم نامے کے ذریعے دوبارہ وزیراعظم مقرر کردیا۔
کویتی میڈیا رپورٹ کے مطابق مستعفی ہونے والے وزیراعظم شیخ صباح ال خالد کو ولی عہد شیخ مشعال الاحمد الصباح نے دوبارہ وزیراعظم مقرر کرنے کا شاہی حکم نامہ جاری کیا۔
تقرری کے بعد اب شیخ صباح اپنی کابینہ تشکیل دیں گے۔
یاد رہے کہ وزیراعظم شیخ صباح نے پارلیمنٹ سے اختلافات پر 8 نومبر کو اپنا استعفیٰ امیر کویت کو ارسال کیا تھا، جسے انہوں نے 14 نومبر کو منظور کر کے کابینہ اور وزرا کو نگراں حکومت کے طور پر کام کرنے کی ہدایت کی تھی۔
سابق وزیر اعظم شیخ صباح الخالد الصباح نے رواں ماہ 8 نومبر کو اپنی حکومت کا استعفیٰ پیش کیا تھا۔
