کویت سٹی: کویت کے وزارت اوقاف و اسلامی امور نے بغیر اجازت عطیات جمع کرنے والوں کے خلاف فوری کارروائی کا حکم دے دیا ہے۔
روزنامہ الجریدہ کی رپورٹ کے مطابق کویت کی سماجی امور کی وزارت نے کہا کہ چھ رضاکار ٹیموں نے رمضان کے مہینے میں مستحق افراد کی مدد کے لئے عطیات جمع کرنے کے قوانین کی خلاف ورزی کی ہے۔
انسپکشن ٹیموں کے مطابق مساجد میں عوامی مقاصد کے لیے رقوم جمع کرنے کے قانون کی خلاف ورزی کرتے ہوئے پانچ کے قریب فنڈز دیکھے اور اس کیس کو ثابت کرنے کے لیے رپورٹ تیار کی گئی اور وزارت اوقاف و اسلامی امور کو اس سلسلے میں کارروائی کرنے کے لیے کہا گیا۔
رپورٹ کے مطابق ان تنظیموں کے فنڈز ضبط کرلئے گئے ہیں ان میں پرانے کپڑے جمع کرنے والے متعدد ‘کیوسک’ بھی شامل تھے۔
کویتی قانون کے مطابق رضاکار ٹیمیں اس طرح آزادانہ طور پر کام نہیں کرسکتیں اور یہ کہ وزارت کی منظوری کے بعد عطیات کسی ایک معروف چیریٹی سوسائٹی کے زیر نگرانی جمع کیے جائیں۔
رپورٹ کے مطابق جن رضاکار ٹیموں نے یہ اقدام کیا ہے ان کے خلاف سخت قانونی اقدامات کے ساتھ ساتھ اور ان کے لائسنس ضبط اور پبلک پراسیکیوشن کے حوالے کیا جاسکتا ہے۔
کویت کی پبلک پراسیکیوشن نے اس ضمن میں واضح کیا کہ وہ ٹیمیں جو عطیات کی وصولی میں حصہ لینا چاہتی ہیں، وزارت کو ایک درخواست جمع کروائیں اور تنظیم کے ضوابط کے مطاق ایک عارضی بینک اکاؤنٹ کھلوائے۔ا
