کویت: وزارت تعلیم کے 40,000 سے زائد ملازمین اسناد جمع کرانے میں ناکام رہے۔
کویت میں وزارت تعلیم کے 40,000 سے زیادہ ملازمین ضرورت کے مطابق اپنے تعلیمی سرٹیفکیٹ جمع کرانے میں ناکام رہے ہیں جس سے وزارت کے تمام شعبوں میں تعلیمی اسناد کا ایک اہم جائزہ لیا گیا ہے۔
یہ مسئلہ فروری میں سول سروس کمیشن کی ایک ہدایت کے بعد سامنے آیا۔
وزارت کے تمام ملازمین کو یکم جنوری 2000 کے بعد حاصل کردہ قابلیت کے لیے جامع تعلیمی ریکارڈ فراہم کرنے کا پابند بنایا گیا تھا۔
رپورٹس کے مطابق اس جانچ پڑتال کے ممکنہ نتائج کے بارے میں عملے کے درمیان تشویش اور قیاس آرائیاں بڑھ رہی ہیں کیونکہ مطلوبہ دستاویز جمع نہ کروانے پر ان کے تعلیمی قابلیت پر سوالات اٹھ سکتے ہیں جس سے استعفوں کی نوبت آسکتی ہے۔
وزارت تعلیم، سول سروس کمیشن کے تعاون سے، فی الحال جمع کرائی گئی تمام تعلیمی اسناد کی مکمل جانچ کر رہی ہے۔
