اسلام آباد: کویت نے10سال بعدپاکستان کیلئےورک ویزےکااجراشروع کردیا ، اب کویت میں مقیم پاکستانی اب اپنےخاندان کےافرادکوکویت بلاسکیں گے اور کاروباری شعبےسےمتعلق افرادکویت جاسکیں گے۔
تفصیلات کے مطابق وفاقی وزیر اطلاعات فواد چوہدری نے سماجی رابطے کی ویب سائٹ ٹوئٹر پر اپنے پیغام میں کہا کہ کویت نے10سال بعدپاکستان کیلئےورک ویزےکااجراشروع کردیا جبکہ کورونافرنٹ پر پاکستان کی ریکوری نے دنیا کوحیران کر دیا ، بھارت سمیت خطےکےممالک اس موذی مرض سے نبردآزماہیں، ہمارےہاں کراچی کےعلاوہ تمام ملک میں شرح 4فیصدسےبھی کم ہوگئی ہے۔
اچھی خبروں کا سلسلہ جاری ہے کویت نے دس سال بعد پاکستان کیلئے ورک ویزا کا اجراء شروع کر دیا ہےکرونا فرنٹ پر پاکستان کی ریکوری نے دنیا کو حیران کر دیا ہےبھارت سمیت خطے کیلے ممالک اس موذی مرض سے نبرد آزما ہیں ہمارے ہاں کراچی کے علاوہ تمام ملک میں کرونا کی شرح 4% سے بھی کم ہو گئ ہے
— Ch Fawad Hussain (@fawadchaudhry) June 1, 2021
خیال رہے وزیرداخلہ شیخ رشید کویت کےسرکاری دورےکےبعدوطن واپس پہنچ گئے، پاکستان آمدپرکویت کےسفیرنصرالمطیری نےوزیرداخلہ شیخ رشیدکااستقبال کیا۔
دورےمیں پاکستانیوں کیلئے10سال بعدکویتی ویزوں کی بحالی میں کامیابی ملی ، جس کے بعد اب کویت میں مقیم پاکستانی اب اپنےخاندان کےافرادکوکویت بلاسکیں گے اور کاروباری شعبےسےمتعلق افرادکویت جاسکیں گے۔
شیخ رشیدنےکویت کےوزیراعظم،اورہم منصب سمیت دیگرحکام سےملاقاتیں کیں ، جس میں وزیرداخلہ نے کویتی قیادت کاپاکستانیوں کےویزوں کی بحالی پرشکریہ اداکیا جبکہ دورےمیں کویت میں مقیم پاکستانیوں سے بھی ملاقات کی۔
