کویت سٹی : کویت کے معروف پُل جابر پل پر خودکشی کے واقعات میں مسلسل اضافہ ہونے لگا، مصری شہری کے بعد بھارتی شہری نے بھی پُل سے چھلانگ لگا کر خودکشی کرنے کی کوشش کی۔
تفصیلات کے مطابق 24 گھنٹوں سے بھی کم وقت میں دوسرے واقعے میں ایک ہندوستانی باشندے نے جابر پل سے چھلانگ لگا کر خودکشی کی کوشش کی لیکن ایک پرائیویٹ کشتی چلانے والا شخص اسے بچانے میں کامیاب رہا۔
ایک سیکورٹی ذرائع نے روزنامہ القبس کو بتایا کہ داخلہ آپریشن روم کو جابر پل پر ایک ڈوبتے ہوئے شخص کی اطلاع ملی جبکہ ایک پرائیویٹ کروز چلانے والا شخص اسے بچانے میں کامیاب ہوا اور اسے سیکیورٹی حکام اور ایمبولینس کے حوالے کیا۔
تفتیش میں پتہ چلا کہ خودکشی کی کوشس کرنے والا ایک بھارتی شہری ہے جس نے پل پر اپنی گاڑی کھڑی کی اور اوپر سے چھلانگ لگا دی۔
ذرائع نے مزید کہا کہ متاثرہ بھارتی شہری کی عمر 36 سال ہے اور اس کی صحت کی حالت مستحکم ہے اور اسے اپنے خلاف قانونی اقدامات کرنے کے لیے پولیس اسٹیشن بھیجا گیا اس بات کو نوٹ کرتے ہوئے کہ پبلک سیکیورٹی سیکٹر نے وزارت داخلہ کے انڈر سیکرٹری لیفٹیننٹ جنرل فیصل النواف سے متعلقہ بھارتی شہری کی ملک بدری کی درخواست کی ہے۔
دوسری جانب سکیورٹی اہلکار فائر فائٹرز اور ایمبولینسوں کی مدد سے ایک مصری تارکین وطن کو بھی بچانے میں کامیاب ہوئے جس نے گزشتہ رات جابر پل سے چھلانگ لگا کر خودکشی کی کوشش کی تھی۔
ایک سیکورٹی ذرائع نے بتایا کہ مصری تارکین وطن کے ساتھ ایک ٹیکسی ڈرائیور بھی تھا، مصری شہری نے ٹیکسی ڈرائیور کو پل پر رکنے کے لیے کہا پھر گاڑی سے باہر نکلا اور پل پر سے چھلانگ لگا دی لہٰذا ٹیکسی ڈرائیور نے فوری طور پر وزارت داخلہ کو آگاہ کیا۔
سیکیورٹی، فائر فائٹرز اور میڈیکل ایمرجنسی عملہ جائے وقوعہ پر مذکورہ شخص کو زخمی حالت میں جائے وقوعہ پر موجود پایا جسے فوری طور علاج کے لیے ہسپتال لے جایا گیا۔
سیکورٹی ذرائع نے مقامی روزنامہ کو تفصیلات بتاتے ہوئےانکشاف کیا کہ وزارت داخلہ نے اس کے علاج کی مدت کے اختتام کے بعد ملک بدر کرنے کا فیصلہ کیا ہے۔
