کویت سٹی : کویتی حکومت کے تحت مملکت کے تمام گورنریٹس میں ٹریفک مہم چلائی جارہی ہے جس میں اب تک درجنوں گاڑیوں کو ضبط کرکے تحویل میں لے لیا گیا ہے۔
مقامی میڈیا رپورٹ کے مطابق جنرل ٹریفک ڈیپارٹمنٹ (جی ٹی ڈی) کی جانب سے ملک کے تمام گورنریٹس میں گاڑیوں کی حفاظت اور پائیداری کو یقینی بنانے کے لیے ٹریفک مہمات کا آغاز کیا گیا ہے۔
رپورٹ لے مطابق مہمات بیک وقت ٹیکنیکل ٹیسٹنگ ڈیپارٹمنٹ کی نگرانی میں چلائی جارہی ہیں۔ مہم کے دوران جی ٹی ڈی کے اہلکاروں نے 1,940 ٹریفک حوالہ جات جاری کیے اور ایک نابالغ لڑکے کو گرفتار کرکے پراسیکیوشن کے حوالے کردیا جوکہ بغیر لائسنس کے گاڑی چلانے پر پکڑا گیا۔
جی ٹی ڈی میں ٹیکنیکل ٹیسٹنگ ڈپارٹمنٹ کے ڈائریکٹر کرنل مشعال السویحی نے کہا کہ اس کا بنیادی مقصد گاڑیوں کو والہ جات جاری کرنا اور ضبط کرنا نہیں ہے بلکہ ٹریفک حادثات کو روکنے کے لیے گاڑی چلانے والوں کے ذہنوں میں گاڑیوں کی حفاظت اور پائیداری کی شرائط پر عمل کرنے کی ضرورت کو بٹھانا ہے۔
انہوں نے نشاندہی کی کہ تکنیکی معائنہ کرنے والے انجینئرز نے حفاظتی مہموں کے دوران بڑی تعداد میں گاڑیوں کو ضبط کیا جو ان کے انشورنس دستاویزات کی تجدید کے بغیر گاڑی چلا رہے تھے۔
جس کا مطلب ہے کہ انہوں نے طویل عرصے سے اپنی گاڑیوں کی تکنیکی جانچ نہیں کرائی ہے۔ انہوں نے مزیدکہا کہ ایسی تمام گاڑیوں کو ضبط کر لیا گیا ہے اور انہیں محفوظ قرار دینے کے بعد ہی سڑکوں پر چلنے کی اجازت دی جائے گی۔
