کویت میں ڈاکٹر کو 15 سال مکمل تنخواہ کے ساتھ کام سے غیرحاضری پر 5 سال قید کی سزا سنادی گئی۔
کویتی حکومت کے زیر انتظام اسپتال میں کام چھوڑنے کے باوجود 15 سال تک ماہانہ تنخواہ لینے والے ڈاکٹر کو 5 سال قید کی سزا سنائی گئی ہے۔
القبس اخبار نے رپورٹ کیا کہ کویت کی فوجداری عدالت نے بھی ڈاکٹر کو غیرقانونی تنخواہ واپس کرنے کا حکم دیا ہے اور اس پر ان کا دگنا جرمانہ عائد کیا ہے جس کی کل رقم ایک ملین کویتی دینار($3.2 ملین ہے)ْ
کویت میں سرٹیفکیٹ فراڈ کے جرم میں سات سال قید کی سزا ہو گی۔
کویت سرٹیفکیٹ فراڈ سے نمٹنے کے لیے اپنی کوششیں تیز کر رہا ہے اور مجرموں پر سخت سزائیں عائد کر رہا ہے۔
کویتی میڈیا کے حکومتی ذریعہ کے مطابق کریک ڈاؤن اولین ترجیح ہے جس میں ایسے ملازمین کو نشانہ بنانا ہے جو سرٹیفکیٹ کی تصدیق کے طریقہ کار پر عمل کرنے میں ناکام رہتے ہیں۔
مہم نے سرٹیفکیٹ کی جعل سازی میں ملوث افراد کے لیے تین بنیادی الزامات کی نشاندہی کی ہے جس میں عوامی فنڈز کا غلط استعمال، جعلسازی، اور غیر قانونی فوائد اور مراعات کے لیے دھوکا دہی شامل ہے۔
خلاف ورزی کرنے والوں کو سات سال تک قید کی سزا کا سامنا کرنا پڑتا ہے اس کے ساتھ ساتھ کسی بھی غیرقانونی طور پر حاصل کی گئی تنخواہوں اور بونس کی دوگنا رقم کی واپسی بھی کی جائے گی۔
یہ سخت کارروائی اس انکشاف کے جواب میں سامنے آئی ہے کہ جب متعدد ملازمین نے آڈٹ کے لیے اپنے سرٹیفکیٹ جمع کرانے کی درخواست کی تو اس کے بجائے ریٹائرمنٹ کا انتخاب کیا۔ اس پیشرفت نے شکوک و شبہات کو جنم دیا ہے، جس سے مزید تفتیش کی جائے گی۔
