کراچی واٹر بورڈ کالونیوں میں غیرمتعلقہ افراد کی رہائش کا انکشاف
The news is by your side.

Advertisement

کراچی واٹر بورڈ کالونیوں میں غیرمتعلقہ افراد کی رہائش کا انکشاف

کراچی : واٹر بورڈ کی کالونیوں میں غیر متعلقہ افراد کی رہائش کا انکشاف ہوا ہے، ایم ڈی نے سرکاری مکانات کو کرائے پر دینے والے ملازمین کے خلاف سخت کارروائی کا عندیہ دے دیا۔

تفصیلات کے مطابق محکمہ کراچی واٹر بورڈ ( کے ڈبلیو اینڈ ایس بی ) کی کالونیوں میں رہنے والے ملازمین نے سرکاری مکانات کرائے پر دے کر دوسری جگہ رہائش اختیار کرلی اور واٹر بورڈ کالونیوں میں غیر متعلقہ افراد رہائش پذیر ہوگئے ہیں۔

اس حوالے سے ایم ڈی واٹر بورڈ مصباح الدین فرید کا کہنا ہے کہ ان غیر متعلقہ افراد کے خلاف گرینڈ آپریشن شروع کیا جائے گا۔

انہوں نے مزید کہا کہ کارروائی بلا امتیاز تمام کالونیوں میں کی جائے گی اور کارروائی کے دوران غیر متعلقہ افراد کو سرکاری مکانات ایک ہفتے میں خالی کرنے کی مہلت دی جائے گی۔

انہوں نے کہا کہ غیر متعلقہ افراد اکو گھرکرائے پر دینے والے ملازمین کی تنخواہیں بھی روکی جائیں گی، سرکاری ملازمین کا یہ اقدام کسی صورت برداشت نہیں کیا جائے گا اور جو ملازمین ملوث پائے گئے ان کے خلاف بھرپور محکمہ جاتی کارروائی کی جائے گی۔

مصباح فرید نے مزید کہا کہ سرکاری مراعات کا غیر قانونی استعمال قطعی برداشت نہیں کیا جائے گا۔

Comments

comments

یہ بھی پڑھیں