فرانسیسی فٹبالر کلیان ایمباپے کے خلاف سوئیڈن میں خاتون سے زیادتی کے الزام میں تحقیقات شروع کردی گئی ہیں۔
غیر ملکی میڈیا رپورٹس کے مطابق فرانسیسی فٹبالر کلیان ایمباپے نے خاتون کو سوئیڈن کے ہوٹل میں زیادتی کا نشانہ بنایا۔
فرانسیسی فٹبالر بدھ سے جمعہ تک سوئیڈن میں موجود تھے، جمعرات کی شب زیادتی کا واقعہ رونما ہوااور معاملہ اس وقت سامنے آیا جب متاثرہ خاتون کو نگہداشت کے لیے اسپتال لایا گیا۔
پولیس کی جانب سے مذکورہ معاملے کی تصدیق یا تردید نہیں کی گئی، تاہم رئیل میڈریڈ اسٹار فٹبالر نے جنسی زیادتی کے الزام کو فیک نیوز قرار دیا ہے۔
یورو کپ میں فرانسیسی کپتان ایمباپے اپنی ناک تڑوا بیٹھے
فرانسیسی فٹبالر نے طنزاً کہا کہ یہ کیسا اتفاق ہے کہ الزام سماعت سے ایک روز پہلے سامنے آیا ہے، یہ سماعت فرانسیسی فٹبالر کے سابق کلب پی ایس جی کیخلاف ہے جس میں امباپے نے تنخواہوں اور بونس کی مد میں 46 ملین پاؤنڈ کا مطالبہ کیا ہے۔
