اسلام آباد : کرغزصورتحال پر پاکستانی وزارت خارجہ نے کرائسزمینجمنٹ یونٹ فعال کرتے ہوئے کرغستان میں رہائش پذیر پاکستانی اورطلبا کے لیے رابطہ نمبر جاری کردیا۔
تفصیلات کے مطابق کرغزصورتحال پر وزیرخارجہ کی ہدایت پر وزارت خارجہ نے کرائسزمینجمنٹ یونٹ فعال کردیا۔
ترجمان دفتر خارجہ کا کہنا تھا کہ پاکستانی شہری اور ان کے اہل خانہ سی ایم یوسے رابطہ کر سکتے ہیں، کرائسز مینجمنٹ سیل سے ای میل کے ذریعے بھی رابطہ کیا جا سکتا ہے۔
ترجمان نے کہا کہ کرغزستان میں رہائش پذیرپاکستانی اورطلبا0519203108 051920309پررابطہ کرسکتے ہیں۔
ترجمان دفتر خارجہ کی جانب سے کرغزستان کی صورتحال کے حوالے سے بیان میں کہا گیا کہ حکومت پاکستان پاکستانیوں کی حفاظت یقینی بنانے کیلئے کرغزحکومت سےرابطے میں ہے۔
ترجمان کا کہنا تھا کہ کرغزحکام نےپاکستانیوں سمیت غیرملکی شہریوں کیخلاف تشددکے واقعات پرافسوس کااظہار کرتے ہوئے انکوائری کرانےاورقصورواروں کو سزا دینے کا بھی وعدہ کیا ہے۔
ان کا کہنا تھا کہ جمہوریہ کرغزستان کےسفیرحسن علی کرغیزحکام سےقریبی رابطےمیں ہیں، کرغزستان وزارت صحت کے مطابق 4 پاکستانیوں کوطبی امدادفراہم کر کےفارغ کردیا ہے جبکہ ایک پاکستانی جبڑےکی چوٹ کے باعث زیر علاج ہے۔