بھارتی ٹیلی ویژن کے معروف ڈرامہ سیریل ’کیونکہ ساس بھی کبھی بہو تھی ‘ کے معروف اداکار ویکاس سیٹھی چل بسے۔
بھارتی میڈیا کے مطابق وکاس سیٹھی کی موت دل کا دورہ پڑنے کی وجہ سے آج صبح ہوئی، اداکار ویکاس سیٹھی بھارتی ڈرامہ انڈسٹری سمیت بالی ووڈ فلموں میں اداکاری کے جوہر دکھا چکے ہیں۔
- Advertisement -
ویکاس سیٹھی کی اچانک موت پر جہاں اُن کے اہلخانہ شدت غم سے نڈھال ہیں تو وہیں بھارتی شوبز شخصیات اور مداح بھی گہرے دُکھ کا اظہار کررہے ہیں۔
واضح رہے کہ ویکاس سیٹھی نے مشہورِ زمانہ بالی ووڈ فلم ’کبھی خوشی کبھی غم ‘ میں بھی مختصر کردار ادا کیا تھا، اس کے علاوہ اُنہوں نے ڈانس شو نچ بلیے میں بھی شرکت کی تھی۔
