میڈرڈ: اسپین میں دو ہفتے قبل پھٹنے والے آتش فشاں کا غیض و غضب تاحال ٹھنڈا نہ ہو سکا، خوف ناک ویڈیوز سامنے آ گئی ہیں۔
تفصیلات کے مطابق اسپین میں دو ہفتے بعد بھی لاپاما آتش فشاں مسلسل لاوا اگل رہا ہے، خوف ناک مناظر پر مبنی ویڈیوز سوشل میڈیا پر وائرل ہونے لگی ہیں۔
آتش فشاں کے ساتھ ساتھ بجلی بھی کڑکنے لگی ہے، رات کے وقت سرخ آگ، دھویں، راکھ اور آسمان پر کڑکتی بجلی کے مناظر کیمرے کی آنکھ میں قید کر لیے گئے۔
Watch lava erupting from the Cumbre Vieja volcano towards the ocean in Spain’s La Palma 🌋 pic.twitter.com/KJSwuW0XOs
— Reuters (@Reuters) October 8, 2021
19 ستمبر سے آتش فشاں پھٹنے کے بعد اب تک 6 ہزار افراد دربدر ہو چکے ہیں، جب کہ لاکھوں ایکڑ اراضی متاثر ہوئی ہے۔
Buildings near the Cumbre Vieja volcano on the Canary Island of La Palma were engulfed by rivers of lava early this morning. Footage showed trees on fire as day broke, with jets erupting from the volcano and lava streams flowing down the hillside. | Read: https://t.co/TLhEuScFri pic.twitter.com/perbs05rO7
— RTÉ News (@rtenews) October 9, 2021
آتش فشاں سے لاوے کے دریا بہہ نکلے ہیں، جس نے 800 سے زائد عمارتیں تباہ کر دی ہیں، جزیرۂ لا پاما، جس کی آبادی تقریباً 83 ہزار ہے، بحر اوقیانوس میں کنیری جزائر میں سے ایک ہے۔
Lava reaching the ocean at the Spanish island of La Palma. Amazing https://t.co/T4s2W3ESKV
— Roger The Dutch 🇳🇱 Resister 🇺🇸 (@Roger_J_Postma) October 9, 2021
لاوے نے لا پاما میں کیلے کے باغات کو بھی بہت زیادہ نقصان پہنچایا ہے، لاپاما کنیری جزائر کا دوسرا سب سے بڑا کیلے کا پروڈیوسر ہے، جہاں کی کیلے کی فصل اس جزیرے کی معیشت کا 50 فی صد ہے، علاقے میں 200 ٹن نمک بھی راکھ کی وجہ سے ضایع ہو گیا ہے۔
La Palma,Canary islands pic.twitter.com/E1czyxkyKH
— Lex Sportiva (@sportiva_lex) October 9, 2021
ہسپانوی ایئر ٹریفک آپریٹر اینا کا کہنا ہے کہ لا پاما کا ایئرپورٹ جمعرات سے راکھ کی وجہ سے بند ہے۔ جمعے کے روز راکھ کے بلند ہوتے بادل نے پڑوسی جزیرے ٹینیریف پر بھی کئی گھنٹوں تک پروازوں کو متاثر کیا تھا۔
