بالی وڈ فلم انڈسٹری کے سب سے بڑے ایوارڈز آئیفا میں عامر خان اور کرن راؤ کی فلم ‘لاپتا لیڈیز’ نے بہترین فلم سمیت کئی ایوارڈز اپنے نام کرلیے۔
آئیفا (انٹرنیشنل انڈین فلم اکیڈمی ایوارڈز) کے 25ویں یعنی سلور جوبلی کی دو روزہ چمکیلی رات کا انعقاد بھارت کے شہر جے پور کے ایگزیبیشن اینڈ کنونشن سینٹر میں کیا گیا۔
View this post on Instagram
تقریب کا انعقاد دو حصوں میں ہوا، ہفتے کو ‘آئیفا ڈیجیٹل ایوارڈز’ یعنی او ٹی ٹی پلیٹ فارمز پر ریلیز ہونے فلموں اور سیریز کے لیے ایوارڈز کا اعلان کیا گیا جب کہ اتوار کو مرکزی تقریب منعقد ہوئی جس میں سنیما انڈسٹری کے لیے ایوارڈز کا اعلان کیا گیا۔
یاد رہے کہ آئیفا نے پہلی بار ڈیجیٹل پلیٹ فارمز کی فلموں اور سیریز کے لیے الگ ایوارڈز کا اعلان کیا، تقریب کی میزبانی اداکار کارتک آریان اور کرن جوہر نے کی۔
View this post on Instagram
آئیفا ایوارڈ 2025 کا میلہ فلم لاپتا لیڈیز نے کئی ایوارڈز کے ساتھ لوٹ لیا، فلم ‘لاپتا لیڈیز’ بہترین فلم سمیت بہترین ہدایت کار، بہترین اسٹوری، بہترین میوزک ڈائریکٹر اور بہترین اسکرین پلے جیسے ایوارڈز اپنے نام کر کے آئیفا کی شام نمایاں رہی۔
اس کے علاوہ اداکار کارتک آریان کو فلم بھول بھلیاں 3 کے لیے بہترین اداکار کا ایوارڈ دیا گیا جب کہ اداکارہ کریتی سینن فلم دو پتی کے لیے بہترین اداکارہ قرار پائیں۔
View this post on Instagram
اس کے علاوہ اداکار، ڈانسر، اور میزبان راگھو جویال نے شوبز انڈسٹری کے لیے 14 سال کی انتھک لگن کے بعد اپنا پہلا آئیفا ایوارڈ اپنے نام کیا، انہیں فلم کل میں بیسٹ نیگیٹو رول پر ایوارڈ ملا۔
دوسری جانب ڈیجیٹل ایوارڈز میں بہترین فلم ‘امر سنگھ چمکیلا’ قرار پائی، اس کے علاوہ بہترین ہدایت کار کا ایوارڈ بھی امر سنگھ چمکیلا کے امتیاز لی کو ملا۔
View this post on Instagram
سیریز کی کیٹیگری میں’ پنچایت’ کے تیسرے سیزن کو بہترین سیریز کے ایوارڈ سے نوازا گیا جب کہ بہترین ہدایت کار کا ایوارڈ بھی پنچایت سیزن تھری کے ڈائریکٹر دیپک کمار مشرا کو ملا۔
