The news is by your side.

Advertisement

کرونا وائرس ٹیسٹ کرنے والی لیبارٹریز کا کام عید میں‌ بھی جاری رہے گا

اسلام آباد : پرائمری اینڈ سکینڈری ہیلتھ کئیر حکام نے کہا ہے کہ کرونا وائرس ٹیسٹ کرنے والی لیبارٹریاں عید کے دنوں میں بھی کام کرتی رہیں گی۔

تفصیلات کے مطابق پرائمری اینڈ سکینڈری ہیلتھ کئیر حکام نے وائرس کے خلاف عید کے دنوں میں بھی جنگ جاری رکھنے کا اعلان کرتے ہوئے کہا ہے کہ عید کے پہلے روز سنگل شفٹ میں کام ہوگا جبکہ باقی دو روز ڈبل شفٹ میں کام ہوگا۔

ذرائع کا کہنا ہے کہ پنجاب کرونا وائرس ٹیسٹنگ لیبارٹریوں کا عید الفطر کی چھٹیوں کا شیڈول جاری ہوگیا، ترجمان پرائمری اینڈ ہیلتھ کیئر کا کہنا ہے کہ سیمپل لوڈ کو دیکھتے ہوئے شفٹوں کی تعداد کم زیادہ کرنے کی گنجائش بھی رکھی گئی ہے۔

ترجمان کا کہنا تھا کہ لیبارٹریوں میں کام کرنے والا سٹاف فرنٹ لائن ورکرز کے مترادف ہے، لیبارٹریوں میں کام کرنے والوں کی خدمات کو پوری قوم سراہتی ہے۔

ترجمان نے کہا کہ کرونا وائرس کے خلاف جنگ میں لیبارٹری سٹاف کلیدی حیثت رکھتا ہے، عید کے دنوں میں بھی لیبارٹریوں میں کام کرنا جہاد سے کم نہیں ہوگا۔

پرائمری اینڈ ہیلتھ کیئر ترجمان کا کہنا تھ کہ وزیر اعلی پنجاب سردار عثمان بزدار نے لیبارٹری سٹاف کی خدمات کو سراہتے ہوئے ان سے ملاقات کی اور وزیر اعلیٰ کی جانب سے انہیں تعریفی اسناد بھی دی جاچکی ہیں۔

ترجمان پرائمری اینڈ سکینڈری ہیلتھ کئیر کا مزید کہنا تھا کہ شفٹوں کی تعداد کم کرنے سے اسٹاف کو تازہ دم ہونے میں بھی مدد ملے گی۔

fb-share-icon0
Tweet 20

Comments

comments

یہ بھی پڑھیں