لندن: بیماری کے دوران وزیراعظم پر طنز اپوزیشن کی خاتون مئیر کو مہنگا پڑ گیا، لیبر پارٹی نے ڈربی شائر کی مئیر کو فارغ کر دیا۔
وزیراعظم بورس جانسن اتوار کے روز سے اسپتال میں داخل ہیں اور انہیں آئی سی یو میں رکھا گیا ہے جہاں وہ کرونا وائرس سے زندگی کی جنگ لڑ رہے ہیں۔
ڈربی شائر سے اپوزیشن پارٹی کی مئیر شیلا اوکس نے فیس بک پوسٹ پر وزیراعظم پر طنز کرتے ہوئے لکھا کہ “بورس جانسن کے ساتھ ایسا ہی ہونا چاہئے تھا، یہ ہماری تاریخ کا سب سے برا وزیراعظم ہے”۔
جب کسی نے خاتون مئیر کو ٹوکا تو انہوں نے اپنا دفاع کرتے ہوے بورس جانسن کو وینٹی لیٹرز کی کمی اور این ایچ ایس کو مطلوبہ سہولیات نہ دینے کا طعنہ دیا تاہم بعد میں انہوں نے کہا کہ میں نے غصے میں ایسا لکھ دیا تھا۔
انہوں نے لکھا کہ میری نیک تمنائیں وزیراعظم کے ساتھ ہیں لیکن یہ صفائی کسی کام نہ آئی اور لیبر پارٹی نے انہیں فارغ کر تے ہوے معاملے کی مزید تحقیقات کرنے کا اعلان کیا ہے۔
