آج کل دنیا بھر میں ایک عجیب و غریب لابوبو گڑیا نے کھلونا مارکیٹ میں دھوم مچا رکھی ہے، Labubu Doll نامی یہ گڑیا چین کی معروف کمپنی Pop Mart نے تیار کی ہے۔ اس کی مقبولیت کا یہ عالم ہے کہ اسٹورز کے باہر خریداروں کا رش لگا ہوا ہے۔

غیر ملکی ذرائع ابلاغ کے مطابق صرف امریکہ میں اس کھلونے کی مانگ سے وانگ نِنگ کی دولت میں 1.6 ارب ڈالر کا اضافہ ہوا اور اب ان کی مجموعی دولت 22.7 ارب ڈالر تک پہنچ چکی ہے، جس نے انہیں چین کے 10 امیر ترین افراد کی فہرست میں لا کھڑا کیا ہے۔

2015 میں یہ کردار سب سے پہلے ہانگ کانگ کے آرٹسٹ Kasing Lung نے تخلیق کیا تھا۔ اس کے بعدPop Mart نے 2019 میں اسے عالمی سطح پر لانچ کیا۔ اس کے بعد سے Labubu Doll ایک فینامینا بن گئی، خصوصاً ایشیا اور امریکہ میں۔

رپورٹس کے مطابق لابوبو گڑیا کی ترقی میں بین الاقوامی ستارے بھی شریک کار رہے۔Blackpink کی Lisa، Rihanna، Dua Lipa اور Emma Roberts جیسی معروف شخصیات نے اس گڑیا کے ساتھ تصاویر شیئر کیں، جس کے بعد سوشل میڈیا پر یہ ایک ”ٹوی اسٹار”بن گئی۔

Labubu کی کچھ نایاب گڑیاؤں کو 450 ڈالر تک فروخت کیا جاچکا ہے، جبکہ برطانیہ میں ایک کلیکٹرز ایڈیشن £110,000 (تقریباً 1 کروڑ روپے) میں فروخت کیا گیا۔

Pop Mart کی 2024 کی رپورٹ کے مطابق، کمپنی نے 1.8 ارب ڈالر کی مجموعی فروخت کی، جس میں بڑی حصہ داری Labubu کی ”Monsters”سیریز کی تھی، جس نے 3.04 بلین یوآن کا ریونیو دیا۔

’میں عجیب و غریب آوازیں سنتی ہوں‘ خاتون ’گڑیا‘ خرید کر مشکل میں آگئی

رپورٹس کے مطابقLabubu صرف ایک گڑیا تک محدود نہیں رہی۔ Pop Mart نے اس کی کامیابی کو دیکھتے ہوئے اسے جیولری، لائف اسٹائل ایکسیسریز، ہوم ڈیکور جیسے شعبوں تک وسیع کردیا، اس نے برانڈ کو نئی بلندیوں پر پہنچا دیا اور مارکیٹ میں ایک نیا رحجان پیدا کیا۔