کراچی: جناح اسپتال سے جعلی لیڈی ڈاکٹر گرفتار، مقدمہ درج jinnah hospital lady doctor
The news is by your side.

Advertisement

کراچی: جناح اسپتال سے جعلی لیڈی ڈاکٹر گرفتار، مقدمہ درج

کراچی: جناح اسپتال کے گائنی وارڈ سے جعلی لیڈی ڈاکٹر کو گرفتار کرلیا گیا، عدالتی حکم پر جوڈیشل ریمانڈ پر جیل بھیج دیا گیا۔

تفصیلات کے مطابق کراچی کے جناح اسپتال سے جعلی لیڈی ڈاکٹر عائشہ کو گرفتار کرکے عدالت میں پیش کیا گیا، عدالت نے جوڈیشل ریمانڈ پر جیل بھیج دیا۔

ایس ایچ او وویمن پولیس انسپکٹر سیدہ غزالہ کے مطابق جب پولیس پارٹی اسپتال پہنچی تو ڈاکٹر کا گاؤن پہنے مذکورہ خاتون گائنی وارڈ کے اندر موجود تھی،  پوچھ گچھ کے دوران اپنے جعلی ڈاکٹر ہونے کا اعتراف کرلیا۔

انسپکٹر سیدہ غزالہ کا کہنا ہے کہ کارروائی گائنی نمبر ایک کی سیکیورٹی کی اطلاع پر عمل آئی، جعلی لیڈی ڈاکٹر کے بیگ سے تلاشی کے دوران بلڈ پریشر اور دل کی دھڑکن چیک کرنے والے آلات اور مشکوک ادویات برآمد ہوئی ہیں۔

ملزمہ ایک سال سے جناح اسپتال کے گائنی وارڈ میں جعل سازی سے کام کررہی تھی جبکہ جعلی لیڈی ڈاکٹر میٹرک پاس ہے اور کورنگی کی رہائشی بتائی جاتی ہے۔

پولیس کے مطابق ملزمہ عائشہ پر وارڈ نے نوزائیدہ بچے اغوا کرنے والے گروہ سے منسلک ہونے کا شبہ ہے، ملزمہ کے خلاف مقدمات درج کرکے تفتیش کا آغاز کردیا گیا ہے۔

عدالت میں پیشی کے موقع پر پولیس کی جانب سے جعلی لیڈی ڈاکٹر کے 14 روزہ جسمانی ریمانڈ کی استدعا کی گئی تھی تاہم عدالت نے ملزمہ سے جیل میں تین دن تک تفتیش کی اجازت دے دی۔

عدالت نے ملزمہ عائشہ کو 26 مارچ تک جوڈیشل ریمانڈ پر جیل بھیجنے کا حکم دے دیا جبکہ ملزمہ کی جانب سے ضمانت کے لیے درخواست دائر کردی گئی ہے۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں