تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

لیڈی ڈاکٹر نے خاتون کو بیٹے سمیت زندہ جلا ڈالا

بھرت پور:بھارتی ریاست راجستھان میں لیڈی ڈاکٹر نے خاتون اور اس کے بیٹے کو زندہ جلا کر مار ڈالا۔

تفصیلات کے مطابق بین الاقوامی میڈیا رپورٹس میں بتایا گیا ہے کہ یہ ہولناک واقعہ راجستھان کے شہربھرت پور میں پیش آیا جہاں لیڈی ڈاکٹر نے خاتون کو اس کے گھر میں ہی زندہ جلا دیا۔

پولیس کا کہنا ہے کہ مقتولہ کے لیڈی ڈاکٹر کے شوہر سے مبینہ ناجائز تعلقات تھے جس پر لیڈی ڈاکٹر نے طیش میں آکراس کےگھر کو آگ لگا دی جس سے خاتون اور اس کا 6 سالہ بیٹا جھلس کر ہلاک ہوگئے۔

یہ بھی پڑھیں: دبئی میں بھارتی شہری نے ہم وطن کو مارڈ الا

پولیس نے متاثرہ فیملی کی درخواست پر واقعے کا مقدمہ درج کرتے ہوئے تین افراد کو گرفتار کیا جن میں لیڈی ڈاکٹرسیما، اس کا شوہر سدیپ جو کہ پیشہ کے اعتبار سے ڈاکٹر ہے اور اس کی والدہ شامل ہیں۔

گرفتار ملزمان کو عدالت کے روبرو پیش کیا گیا جہاں عدالت نے خواتین کو جوڈیشل حراست میں دے دیا جب کہ مرد ڈاکٹر کو ریمانڈ پر پولیس کے حوالے کردیا۔

پولیس نے تصدیق کی ہے کہ مقتولہ ڈاکٹر سدیپ کے اسپتال میں ملازمہ تھی اور اس دوران ان دونوں کے تعلقات پروان چڑھائے، سدیپ گپتا نے اپنی ملازمہ کو ایک اچھا گھر تحفے میں دیا تھا جہاں وہ اپنے بیٹے کے ساتھ رہائش پذیر تھی۔

Comments

- Advertisement -