ٹنڈو محمدخان میں خاتون ڈاکٹر کی غفلت اور لاپرواہی نے خاتون اور اس کے بچے کی زندگی خطرے میں ڈال دی۔
ڈاکٹر مریضہ کےجڑواں بچوں سے لاعلم نکلی جس سے ایک بچہ جاں بحق ہو گیا۔ خاتون ڈاکٹر کی غفلت کی انتہا نے جڑواں بچوں میں سے ایک کو پیٹ میں ہی چھوڑ دیا۔
ڈیلیوری کے بعد مریضہ کی حالت بگڑنے پر دوسرے بچے کا 75 دن بعد میڈیکل رپورٹس سے پتہ چلا تو خاتون کو تشویشناک حالت میں کراچی منتقل کیا گیا جہاں نجی اسپتال میں دوسرے بچےکا پتہ چلا۔
خاتون کا تشویشناک حالت میں کراچی کے نجی اسپتال میں دوسرا آپریشن کیا گیا اور بچے کو نکالا گیا۔
والدمتاثرہ خاتون نے اے آر وائی نیوز سے گفتگو کرتے ہوئے کہا کہ لیڈی ڈاکٹر کی غفلت کی وجہ سے بیٹی عمر بھر کیلئے معذور ہو گئی ہے لیڈی ڈاکٹر امبرین کھٹی نے جان کر غفلت برتی۔
ڈی ایچ او ڈاکٹر صادق میمن نے معاملے کی تحقیقات کی یقین دہانی کرواتے ہوئے کہا ہے کہ متاثرین تحریری شکایت دیں تو انکوائری کمیٹی تشکیل دی جائےگی۔
