لاہور : رہنما پیپلز پارٹی لطیف کھوسہ کا کہنا ہے کہ عمران خان کووہی فیس کرنا پڑے گا جو نوازشریف کیساتھ ہوا۔
تفصیلات کے مطابق سابق گورنر پنجاب اور رہنما پیپلز پارٹی لطیف کھوسہ نے اپنے بیان میں کہا کہ عمران خان خود نوازشریف کیلئےسپریم کورٹ کیس لیکر گئے تھے ، جس پرسپریم کورٹ نےکہانوازشریف صادق امین نہیں رہے۔
لطیف کھوسہ کا کہنا تھا کہ عمران خان کووہی فیس کرنا پڑے گا جو نوازشریف کیساتھ ہوا۔
رہنما پیپلز پارٹی نے کہا کہ جب نوازشریف پارٹی قائد بنے تو کہا گیا پارلیمنٹیرین نہیں توعہدہ بھی نہیں رکھ سکتے۔
فنڈنگ کیس کے حوالے سے ان کا مزید کہنا تھا کہ الیکشن کمیشن نےمتفقہ طورپرکہاکہ عمران خان نےاپنےاثاثےچھپائےہیں، عمران خان کو351کمپنیز،34غیرملکیوں نےغیرقانونی اورممنوعہ فنڈنگ کی۔
لطیف کھوسہ نے مزید کہا کہ ثاقب نثارصاحب عمران خان کوصادق وامین کا فتویٰ دے گئے تھے۔
