لاہور: نواب ٹاؤن میں پب جی کھیلتے ہوئے گولی چلنے سے 18 سالہ نوجوان جاں بحق ہوگیا۔
تفصیلات کے مطابق نواب ٹاؤن میں واقع ایک نجی ہاؤسنگ سوسائٹی کا رہائشی یحییٰ خورشید پب جی کھیلتے ہوئے گولی چلنے سے جاں بحق ہوگیا۔
پولیس کا کہنا ہے کہ یحییٰ خورشید پب جی گیم کا شوقین تھا، گزشتہ روز اس نے والد کی پستول اٹھائی اور اپنے ساتھ کمرے میں لے گیا، گیم کھیلتے ہوئے اچانک گولی چلنے سے یحییٰ خورشید جان کی بازی ہار گیا۔
پولیس کا کہنا ہے کہ رپورٹ درج کرنے کے بعد تحقیقات جاری ہے۔
