لاہور میں 5 سالہ بچے نے چابی نگل لی، ڈاکٹرز نے کامیاب آپریشن کرتے ہوئے بچے کے پیٹ سے چابی نکال لی۔

تفصیلات کے مطابق سرگودھا سے تعلق رکھنے والے 5 سال کے بچے نے چابی نگل لی تھی جنرل اسپتال کے معالجین نے اینڈوسکوپی پروسیجر سے بچے کے معدے سے چابی نکال لی۔

انتظامیہ نے بتایا کہ بچے کے والدین اسے لاہور کے جنرل اسپتال لائے جہاں ڈاکٹر نے ضروری ٹیسٹ کیے، ایسوسی ایٹ پروفیسرپیڈیاٹرک ڈاکٹر حسن سلمان کی سربراہی میں ٹیم نے کامیاب پروسیجر مکمل کیا۔

پرنسپل پی جی ایم آئی پروفیسر الفرید ظفر نے بچے کی جان بچانے پر ڈاکٹرز کی ٹیم کو خراج تحسین پیش کیا اور بتایا کہ جنرل اسپتال کے تمام شعبوں میں اسٹیٹ آف دی آرٹ طبی سہولتیں ہیں۔