لاہور: ننکانہ صاحب کے قریب بس اور ٹریلر میں خوفناک تصادم کے نیتجے میں زخمی ہونیوالے 2 افراد دم توڑ گئے۔
پولیس حکام کے مطابق یہ حادثہ موٹروے ایم تھری ننکانہ صاحب کے قریب حادثہ پیش آیا، حادثے میں 4 افراد زخمی ہوگئے تھے جنہیں اسپتال منتقل کیا گیا تھا تاہم ان میں نے 2 زخمی چل بسے جبکہ 2 زیر علاج ہیں۔
پولیس نے بتایا کہ گاڑیوں کی کلیئرنس کی جارہی ہے جبکہ رو ڈمکمل کلیئر کردیا گیا ہے، اس سے قبل حیدرآباد میں باراتیوں کی بس اور ٹریلر میں تصادم سے دولہا جاں بحق جبکہ 15 افراد زخمی ہوگئے تھے۔
ریسکیو حکام کے مطابق ایم نائن موٹر وے پر باراتیوں کی گاڑی کو حادثہ پیش آیا تھا جس کے نتیجے میں دولہا جان کی بازی ہار گیا جبکہ خواتین سمیت 15 باراتی زخمی ہوئے، جاں بحق دلہا کی شناخت عبداللہ میر بحر کے نام سے ہوئی۔
حکام کا کہنا ہے کہ بارات حب سے نوشہروفیروز جا رہی تھی، حادثہ تیز رفتاری کے باعث پیش آیا، نعش اور زخمیوں کو اسپتال منتقل کر دیا گیا۔
دوسری جانب کراچی میں نئی سبزی منڈی کے قریب فائرنگ کا واقعہ پیش آیا ہے جس میں 2 افراد زخمی ہوگئے، فائرنگ کا واقعہ جھگڑے کے دوران پیش آیا، پولیس کی نفری فوری طور پر موقع پر پہنچ گئی ہے۔
