The news is by your side.

Advertisement

نوازشریف اورمریم نواز کی گرفتاری، لاہور ایئرپورٹ کے اطراف دفعہ144نافذ

لاہور : نواز شریف اور مریم نواز کی وطن واپسی کے موقع پر کسی بھی ناخوشگوار واقعے سے نمٹنے کیلئے پنجاب حکومت نے لاہور ایئرپورٹ کی حدود میں دفعہ144نافذ کرنے کا فیصلہ کرلیا. پانچ سے زائد افراد کے جمع ہونے پر پابندی ہوگی۔

تفصیلات کے مطابق سابق وزیراعظم نوازشریف اور ان کی صاحبزادی مریم نواز کی وطن واپسی پر ان کی گرفتاری سے متعلق پنجاب کی نگراں حکومت نے اہم اقدامات کر لیے ہیں۔

ذرائع کا کہنا ہے کہ شہر میں کسی بھی ناخوشگوار صورتحال سے نمٹنے کیلئے پنجاب حکومت نے لاہور ایئرپورٹ حدود میں دفعہ144نافذ کرنے کا فیصلہ کیا ہے۔

ایئرپورٹ اور اس کے گردونواح میں پانچ سے زائد افراد کو جمع ہونے کی اجازت نہیں ہوگی، فیصلے کے تحت پنجاب حکومت دفعہ144پرعملدرآمد کیلئے رینجرز کی مدد بھی طلب کرسکتی ہے۔

واضح رہے کہ ایون فیلڈ ریفرنس میں سزا یافتہ نوازشریف اور مریم نواز نے وطن واپسی کی تیاری مکمل کرلی ہے اور ٹکٹ بھی بک کرالئے ہیں، یہ دونوں شخصیات13جولائی کی شام کو لاہور ایئرپورٹ پہنچیں گی جس کے فوری بعد انہیں گرفتار کرکے اڈیالہ جیل منتقل کردیا جائے گا۔

مزید پڑھیں : نواز، مریم کا وطن واپسی کا اعلان، نیب کا مجرموں کو ایئرپورٹ سے گرفتار کرنے کا عندیہ

اس سے قبل وزارت داخلہ نے ایوان فیلڈ ریفرنس میں سزا یافتہ دونوں ن لیگی رہنماؤں کا نام بھی ای سی ایل میں ڈال دیا ہے، نیب ہیڈ کوارٹرزکی جانب سے نواز شریف اور مریم کا نام ای سی ایل میں ڈالنے کیلئے وزارت داخلہ کو خط لکھا گیا تھا۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں