علامہ اقبال انٹرنیشنل ایئرپورٹ پرآگ لگنے کے واقعے کے حقائق جاننے کے سلسلے میں تحقیقاتی بورڈ قائم کردیا گیا۔
تفصیلات کے مطابق 4 رکنی تحقیقاتی بورڈ نے لاہور ایئرپورٹ پر آگ لگنے کی تحقیقات شروع کردی ہے، ایئرپورٹ ذرائع نے تحقیقاتی بورڈ کو بتایا کہ آگ امیگریشن کے مین سسٹم میں لگی اور وہاں سے پھیلی، چند منٹوں میں ہی امیگریشن کا پورا سسٹم جل کر راکھ ہوگیا۔
ذرائع کا کہنا ہے کہ تحقیقات کے مطابق آگ انٹرنیشنل ڈیپارچر لاؤنج کے امیگریشن بلاک میں لگی، آگ لگنے سے امیگریشن اور سی اے اے کو ہونے والے نقصان کا تخمینہ لگایا جارہا ہے۔
- Advertisement -
آگ لگنے سے مین کاؤنٹر سمیت سب کاؤنٹر کا سسٹم بھی متاثر ہوا۔ تحقیقات مکمل ہوتے ہی رپورٹ سی اے اے ہیڈ کوارٹر میں جمع کرائی جائےگی۔
ذرائع نے بتایا کہ امیگریشن، کسٹم، اے ایس ایف اور سی اے اے افسران کے بیانات قلمبند کیے جارہےہیں۔
