لاہور : علامہ اقبال ایئرپورٹ پر خواتین مسافروں اور کسٹم اہلکاروں میں ہاتھا پائی کی ویڈیو سامنے آگئی، سامان کلیئر نہ کرنے پر ہاتھا پائی ہوئی۔
تفصیلات کے مطابق لاہور ایئرپورٹ پر خواتین مسافروں اور کسٹمز اہلکاروں میں ہنگامہ آرائی کی فوٹیج سامنے آگئی۔
جس میں خاتون مسافر اور کسٹمز اہلکاروں نے ایک دوسرےکوتھپڑمارے، کسٹمز حکام کا کہنا ہے ابوظبی سے آئی خواتین مسافروں نے سامان کلیئر نہ کرنے پر ہاتھا پائی کی۔
حکام نے بتایا کہ کلوز سرکٹ کیمرے اور لہنگے کلئیر نہ کرنے پر جھگڑا ہوا تاہم کسٹمز اہلکاروں نے تھپڑ مارنے والی خاتون کوحراست میں لے لیا، واقعے کا مقدمہ درج کر کے قانونی کارروائی کی جا رہی ہے۔
تینوں خواتین مسافر بذریعہ فلائٹ نمبر 854 سے لاہور پہنچی تھیں تاہم کسٹمز کے دفاتر میں بھی توڑ پھوڑ ، ملزمان کے خلاف کار سرکار میں مداخلت اور قیمتی ملبوسات کی سمگلنگ سمیت تحویل سے سامان چھیننے پر مقدمہ درج کیا گیا۔
