سی سی ڈی آپریشن کے دوران ملزم نے فرار کی کوشش کی اور پولیس پر فائرنگ کی جس پر جوابی کارروائی میں وہ مارا گیا۔
تفصیلات کے مطابق کرائم کنٹرول ڈیپارٹمنٹ ماڈل ٹاؤن نے خطرناک اشتہاری اور ڈکیت گینگ کے خلاف اہم کارروائی کرتے ہوئے مقابلے کے دوران گینگ کے سرغنہ سیف علی کو ہلاک کر دیا۔
ترجمان سی سی ڈی کے مطابق ملزم سیف علی قتل، اقدام قتل، ڈکیتی اور دیگر سنگین وارداتوں میں پولیس کو مطلوب تھا۔
آپریشن کے دوران ملزم نے فرار کی کوشش کی اور پولیس پر فائرنگ کی جس پر جوابی کارروائی میں وہ مارا گیا۔
پولیس کا کہنا ہے کہ ملزم کے خلاف درج متعدد مقدمات کی تفتیش جاری ہے جبکہ گینگ کے دیگر افراد کی تلاش میں چھاپے مارے جا رہے ہیں۔
ترجمان کا کہنا ہے کہ سی سی ڈی نے خفیہ اطلاع پر نشتر کالونی کی حدود میں گرفتاری کیلئے چھاپہ مارا، ملزم نے 2017 میں پولیس مقابلے میں کانسٹیبل کو شہید کیا تھا۔
دوسری جانب پاکپتن میں سی سی ڈی پولیس اہلکاروں پر فائرنگ کے دوران مقابلہ کے دوران مبینہ طور پر ایک نامعلوم ڈاکو ہلاک ہوگیا۔
ایس ایچ او تھانہ سی سی ڈی زمان رشید نے تین نامعلوم مشکوک موٹرسائیکل سواروں اڈا جھانپ کے قریب رکنے کا اشارہ کیا جس پر ملزمان فائرنگ کرتے ہوئےکھیتوں میں چھپ گئے۔
پولیس اور ڈاکووں کے درمیان فائرنگ کا تبادلہ میں ایک ڈاکو ساتھیوں کی فائرنگ سے ہلاک جبکہ دو ڈاکو فرار ہوگئے۔
پولیس نے ملزم سے موٹرسائیکل اور چوالیس بور رائفل برامد کرلی ہے جبکہ فرار ہونے والے ڈاکووں کی تلاش کے لیے سرچ آپریشن جاری ہے۔
