لاہور کے علاقے کاہنہ میں کھانا کھانے کے دوران تلخ کلامی پر بھائی نے چھریاں مار کر بھائی کو قتل کردیا۔
پولیس کے مطابق لاہور کے ایل ڈی گول چکر کے رہائشی بلال کا بھائی کے ساتھ کھانے کے دوران پر جھگڑا ہوگیا جس پر بھائی شہزاد نے بلال پر چھریاں چلادیں، جس سے بلال شدید زخمی ہوگیا۔
پولیس کے مطابق زخمی بلال کو اسپتال لے جایا گیا جہاں پر وہ دم توڑ گیا، پولیس نے مقدمہ درج کر کے ملزم شہزاد کو گرفتار کرلیا۔
پولیس کا کہنا ہے کہ لاش پوسٹ مارٹم کے لئے مردہ خانے منتقل کردی گئی، قانونی کارروائی کے بعد لاش کو ورثا کے حوالے کیا جائے گا۔
