لاہور میں 7 سالہ بچے کے اغوا کا ڈراپ سین ہوگیا، باپ ہی بچے کا قتل نکلا ہے۔
اے آر وائی نیوز کے مطابق لاہور کے علاقے باغن پورہ گھریلو جھگڑے پر 7 سالہ بیٹے کو قتل کرنے والے سفاک باپ کو پولیس نے کارروائی کرتے ہوئے گرفتار کرلیا۔
پولیس کا کہنا ہے کہ ملزم نے بیٹے کو قتل کرنے کے بعد لاش گھر میں ہی دفنا دی تھی۔
پولیس حکام کا کہنا ہے کہ ملزم نے تھانہ باغن پورہ میں بیٹے کے اغوا کا مقدمہ درج کروایا تھا، ملزم نے قتل کا اعتراف کرلیا، ملزم کی نشاندہی پر لاش برآمد کرلی گئی۔
اس سے قبل صوبہ پنجاب کی تحصیل فورٹ عباس میں فیصل کالونی کھچی والا میں تیزاب گردی کا واقعہ پیش آیا تھا جہاں شوہر نے گھریلونا چاقی پر بیوی اور ساس پر تیزاب پھینک دیا تھا۔
ریسکیو حکام کا اس حوالے سے کہنا تھا کہ تیزاب سے دونوں خواتین کا چہرہ اور گردن جھلس گئے، تیزاب سے متاثرہ خواتین کو رورل ہیلتھ سینٹر منتقل کردیا گیا ہے۔
ڈاکٹر کا کہنا تھا کہ تیزاب سے خواتین کے چہرے 20 فیصد تک جھلس گئے۔
