لاہور کے علاقہ شفیق آباد میں قتل کی نیت سے آنے والا شخص خود مارا گیا، شہری کے قتل کی واقعے کی ویڈیو سامنے آگئی۔
اے آر وائی نیوز کی رپورٹ کے مطابق لاہور کے علاقہ شفیق آباد میں دکاندار کو قتل کرکے کیلیے آنے والا گولی لگنے سے خود قتل ہوگیا۔
ملزم افتخار بٹ نے ایل پی جی کی دکان کے باہر آکر پہلے ہوائی فائرنگ کی اور دکان پر بیٹھے عثمان بٹ کو نشانہ بنانے کی کوشش کی۔
پولیس کے مطابق عثمان بٹ نے موقع پاتے ہی اس سے پہلے فائرنگ کردی اور افتخار بٹ کو گولی مار کر موت کے گھاٹ اتار دیا۔
فائرنگ کے بعد دکان کے باہر بیٹھا شہری عثمان بٹ جائے وقوعہ سے فرار ہوگیا، تاہم علاقہ پولیس واقعہ کا مقدمہ درج کرکے عثمان بٹ تلاش کیلیے کارروائی کر رہی ہے۔
