پی ایس ایل فائیو کے 24 ویں میچ میں لاہور قلندرز نے سنسنی خیز مقابلے کے بعد پشاور زلمی کو 5 وکٹوں سے شکست دے کر پلے آف مرحلے میں جانے کے امکانات کو روشن رکھا ہے۔
لاہور کے قذافی اسٹیڈیم میں کھیلے گئے میچ میں لاہور قلندرز نے جیت کے سلسلے کو برقرار رکھتے ہوئے پشاور زلمی کو ہرا دیا، ہوم ٹیم نے زلمی کا 188 رنز کا ہدف آخری اوور میں 5 وکٹوں کے نقصان پر حاصل کر لیا۔
اوپنر فخر زمان نے 63 اور کرس لین نے 59 کی جارحانہ اننگز کھیلی اور ٹیم کی جیت میں کلیدی کردار ادا کیا۔
DAVID WIESE IS KEEPING LAHORE QALANDARS ALIVE 🔥
Rahat Ali is a mere spectator as the ball sails over the fence! #HBLPSLV #TayyarHain #CricketForAll #PEL #ChangeYourLife pic.twitter.com/zRbob7T233
— Cricingif (@_cricingif) March 10, 2020
آخر میں پٹیل نے 11 اور وسے نے 17 رنز کی ناقابل شکست اننگز کھیل کر ٹیم کو فتح دلوائی، اس فتح کے ساتھ ہی لاہور قلندرز کے 8 پوائنٹس ہوگئے ہیں اور وہ پوائنٹس ٹیبل پر تیسرے نمبر پر آ گئی ہے۔ کارلوس بریتھ ویٹ نے3 اور وہاب ریاض نے ایک کھلاڑی کوآؤٹ کیا.
اس سے قبل ہوم ٹیم کے کپتان سہیل اختر نے ٹاس جیتا اور فیلڈنگ کو ترجیح دیتے ہوئے زلمی کو بیٹنگ کی دعوت دی.
زلمی کو ابتد میں ہی بینٹن کی صورت میں نقصان اٹھانا پڑا جو صفر پر پویلین لوٹ گئے جس کے بعد لیونگسٹون بھی چلتے بنے جب کہ 24 کے مجموعے پر کامران اکمل بھی آؤٹ ہو گئے.
SUPERB STRIKING FROM SHOAIB MALIK 👏
Lahore Qalandars are giving runs away too easily! #HBLPSLV #TayyarHain #CricketForAll #PEL #ChangeYourLife pic.twitter.com/PkQw9VJz1T
— Cricingif (@_cricingif) March 10, 2020
چوتھی وکٹ پر تجربہ کار شعیب ملک نے نوجوان بیٹسمین حیدر علی کے ساتھ مل کر اننگز کو آگے بڑھایا اور دونوں نے ذمہ دارانہ بیٹنگ کرتے ہوئے اسکور کو 140 تک پہنچا دیا، شعیب ملک 62 رنز بنا کر آؤٹ ہوئے جب کہ حیدر علی 69 رنز کے ساتھ ٹاپ اسکورر رہے.
پشاور زلمی نے مقررہ اوورز میں 7 وکٹوں پر 187 رنز بنائے، بریتھ ویٹ 16 اور حسن علی 7 رنز کے ساتھ ناٹ آؤٹ رہے.
PESHAWAR ZALMI HAVE SCORED 187/7 FROM THEIR 20 OVERS AGAINST LAHORE QALANDARS 👏
We have a game on in Lahore! #HBLPSLV #TayyarHain #CricketForAll #PEL #ChangeYourLife pic.twitter.com/i8omGcDTnA
— Cricingif (@_cricingif) March 10, 2020
قلندرز کی جانب سے شاہین شاہ آفریدی نے سب سے زیادہ 3 وکٹیں حاصل کیں، پٹیل نے 2، دلبر حسین اور وائس نے ایک ایک وکٹ حاصل کی.
ٹاس کے موقع پر سہیل اختر نے بتایا کہ ٹیم میں تین تبدیلیاں کی گئی ہیں، بولر حارث رؤف کی فائنل الیون میں واپسی ہوئی ہے، ڈین ولاز کی جگہ کرس لین، عثمان شنواری کی جگہ حارث رؤف اور سلمان ارشاد کی جگہ دلبر حسین کو شامل کیا گیا ہے۔
پشاور زلمی کے کپتان وہاب ریاض نے کہا کہ پچ بیٹنگ کے لیے اچھی لگ رہی ہے، بڑا اسکور کرنے کی کوشش کریں گے، لاہور قلندرز کے خلاف پلان تیار ہے اور طے شدہ منصوبہ بندی کے تحت کھیلیں گے۔
واضح رہے کہ لاہور قلندرز کے لیے یہ میچ ڈو اینڈ ڈئی کی حیثیت رکھتا ہے جب کہ زلمی کی کامیابی اسے پلے آف میں پہنچا سکتی ہے۔
