ایکسپو سینٹر لاہور میں ای اسپورٹس گیمرز گلیکسی فیسٹیول کا آغاز ہوگیا۔
لاہور میں ہونے والے گیمرز گلیکسی فیسٹیول میں ملک کے ٹاپ گیمرز ایکشن میں ہیں، ایونٹ اے اسپورٹس اور اے آر وائی زیب پر براہ راست نشر کیا جارہا ہے۔
گیمز میں نوجوانوں نے پب جی، فری فائر، فیفا اور ٹیکن ایٹ جیسے مقبول گیمز میں دلچسپی ظاہر کی۔
عوام کے لیے فیسیٹیول کی انٹری مفت ہے جبکہ شائقین بھی ایکسپو سینٹر آکر گیمرز کی حوصلہ افزائی کررہے ہیں۔
عالمی چیمپئن ارسلان ایش اور برطانوی باکسر سمیت شوبز سے تعلق رکھنے والی معروف شخصیات بھی دو روزہ ایونٹ کا حصہ بنیں گے۔
گلیکسی گیمرز کے سی ای او فخر عالم کا کہنا ہے کہ پاکستان میں ای اسپورٹس کو فروغ دینا چاہتے ہیں، ایونٹ کو کراچی بھی لے کر جائیں گے۔
واضح رہے کہ ایونٹ کا گرینڈ فنالے کل ہوگا جس میں فیملی انٹرٹینمنٹ کے لیے ینگ اسٹنرز کا کنسرٹ بھی ہوگا۔
