لاہور: صوبہ پنجاب کے دارالحکومت لاہورمیں دوہرے قتل میں ملوث دو ملزمان کو گرفتار کرکے اسلحہ برآمد کرلیا۔
تفصیلات کے مطابق لاہورکے فیکٹری ایریا میں پولیس نے کارروائی کرتے ہوئے دوہرے قتل میں ملوث دوملزمان کو گرفتارکرکے اسلحہ برآمد کرلیا۔
پولیس حکام کے مطابق ملزم نے دو روز قبل اپنے دوست کے ساتھ مل کر داماد سمیت دوافراد کوقتل کیا تھا۔ پولیس نے تلاشی کے دوران ملز مان سے اسلحہ برآمد کیا۔
پولیس کا کہنا ہے کہ قتل پسند کی شادی کی رنجش پرکیا گیا، ملزمان نے نکاح خواں اور دیگر افراد کے قتل کی بھی منصوبہ بندی کررکھی تھی۔
یاد رہے کہ گزشتہ ماہ مغلپورہ میں شادی کی تقریب میں پولیس اہلکار کی فائرنگ سے زخمی ہونے والا نوجوان اسپتال میں دوران علاج دم توڑ گیا۔
لاہور: دشمنی کا شاخسانہ، دو سگے بھائی کزن سمیت فائرنگ سے جاں بحق
واضح رہے کہ رواں سال 25 فروری کو لاہور کے علاقے باغبان پورہ میں نامعلوم افراد نے قصاب کی دکان پر فائرنگ کرکے تین افراد کو قتل کردیا تھا۔
