لاہور: تین منزلہ مکان میں لگی آگ پر قابو پالیا گیا، آگ کے باعث چھ افراد جاں بحق ہوگئے۔
تفصیلات کے مطابق لاہوری گیٹ کے قریب مکان میں گذشتہ شب اچانک آگ بھڑک اٹھی، آگ اتنی شدید تھی کہ پوری بلڈنگ میں دھواں بھر گیا۔ بلڈنگ میں سوئے تمام افراد کاتعلق ایک ہی خاندان سے تھا، اہل خانہ کے مطابق انھیں آگ لگنے کی وجہ معلوم نہیں ہوسکی۔
اس واقعہ میں شاہد اپنی بیوی اور چار سالہ علی سمیت جاںبحق ہوگیا جبکہ جانبحق افراد میں ستر سالہ معذور گلشن بی بی بھی جھلس گئیں۔
- Advertisement -
پانچ گھنٹے بعد اس آگ پر قابو تو پالیا گیا لیکن حادثے میں ضائع ہونے والی قیمتی جانوں کو واپس نہیں لایا جاسکتا ۔اہل خانہ کی آہ وبکا سے جائے وقوعہ پر موجود ہر شخص کی آنکھ نم ہے۔
