لاہور: سی سی ٹی وی فوٹیج کی موجودگی کے باوجود پولیس حرکت میں نہ آئی، گلشن پارک سے اغوا ہونے والا پانچ سالہ سعد چوبیس گھنٹے بعد بھی بازیاب نہ کرایا جاسکا۔
تفصیلات کے مطابق پانچ سالہ سعد کو گذشتہ روز گلشن پارک سے اغوا کیا گیا تھا، سی سی سی ٹی وی فوٹیج میں برقع پوش خاتون کو بچہ لے جاتے ہوئے دیکھا جا سکتا ہے۔
اس ضمن میں اہل خانہ پولیس کی روایتی غفلت کا شکوہ کرنے نظر آئے، اہل خانہ کا کہنا ہے کہ پولیس نے مقدمہ تو درج کرلیا، لیکن بچے کی بازیابی کے لیے عملی اقدامات نہیں کررہی.
ننھا سعد والدین کے ساتھ گلشن اقبال پارک گیا، جہاں سےبرقع پوش خاتون اسے اٹھاکر لے گئی، واقعے سی سی ٹی وی کیمرے میں ریکارڈ ہوگیا.
مزید پڑھیں: نامعلوم عورت جناح اسپتال سے نومولود بچہ اغواء کرکے فرار
میڈیا سے بات کرتے ہوئے سعد کی پھپھو نے کہا کہ پولیس بچے کی تلاش میں مدد نہیں کر رہی، سی سی ٹی وی فوٹیج بھی ہم ہی سے مانگی گئی، جس کے بعد سعد کے والد کی مدعیت میں مقدمہ درج کیا گیا، سعد کی جدائی میں والدہ غشی کےعالم میں ہیں اور اہل محلہ میں بھی پریشان کا سماں ہے.
پولیس کا کہنا ہے کہ سعد کی بازیابی کے لیے محلے میں سرچ آپریشن بھی کیا، لیکن کوئی کامیابی نہیں ہوئی.
