لاہور: گلبرگ پولیس نے شہریوں سے لوٹ مار کرنے والے سالے بہنوئی پر مشتمل گروہ کو گرفتار کرلیا۔
تفصیلات کے مطابق گلبرگ پولیس نے خفیہ اطلاع پر فردوس مارکیٹ سے دونوں کو گرفتار کیا، داود اور سنی رات 4 بجے سے صبح 8 بجے تک وارداتیں کرتے تھے۔
پولیس کا کہنا ہے کہ 4 ماہ قبل ملزمان نے گارڈن ٹاؤن میں ڈکیتی مزاحمت پر دکاندار کو زخمی کیا تھا، گرفتار ملزمان سے نقدی، 2 پستول 3 موبائل فون، چوری شدہ موٹر سائیکل برآمد ہوا ہے۔
- Advertisement -
دوسری جانب گزشتہ روز لاہور کے علاقے اسلام پورہ میں موٹر سائیکل پر سوار دو ملزمان نے بے رحمی سے خاتون کے کانوں سے بالیاں نوچیں اور فرار ہوگئے تھے، واقعے کی سی سی ٹی وی فوٹیج بھی سامنے آئی تھی۔
ویڈیو میں موٹر سائیکل دو ملزمان نے خاتون کو اکیلے گلی میں جاتے ہوئے دیکھا، ملزمان نے موٹر سائیکل روکی اور ایک ملزم خاتون پر جھپٹا۔
