لاہور: پولیس نے شہریوں سے لوٹ مار کرنیوالے گینگ کو گرفتار کرلیا، ملزمان نے چند روز قبل بھی شہری سے رقم چھیننے کی کوشش کی۔
تفصیلات کے مطابق لاہور میں شفیق آبادپولیس نے کارروائی کرتے ہوئے شہریوں سے لوٹ مارکرنیوالے گینگ کو گرفتار کرلیا، ملزمان کی شہریوں سے لوٹ مار کرنے کی فوٹیج بھی منظر عام پر آگئی۔
ملزمان کو فوٹیج میں واردات کرتے اور بھاگتے ہوئے دیکھا جاسکتا ہے، ملزمان پیدل آتے اور زبردستی بائیک اور نقدی چھین کر فرار ہوجاتے، ملزمان نے چند روز قبل شہری سے بائیک اور رقم چھیننےکی کوشش کی تھی۔
پولیس حکام کا کہنا ہے کہ گرفتار ملزمان میں عبداللہ، نصیر اور سہیل شامل ہیں جن کے خلاف مقدمات بھی درج کیا گیا ہے، ملزمان سے اسلحہ، موٹرسائیکل اور نقدی برآمد ہوا جبکہ ملزمان کے دیگر ساتھیوں کی گرفتاری کیلئے چھاپے مارے جارہے ہیں۔
