لاہور: لاہور کے فیکٹری ایریا سے لڑکی کی بوری بند لاش ملی ہے، پولیس کا کہنا ہے کہ لاش کئی روز پرانی ہے۔
تفصیلات کے مطابق لاہور میں فیکٹری ایریا کے علاقے سے لڑکی کی بوری بند لاش ملی ہے، لڑکی کو مبینہ طور پر قتل کر کے لاش بوری میں بند کر کے پھینکی گئی۔
پولیس حکام کا کہنا ہے کہ لڑکی کی لاش کئی روز پرانی ہے، اور اس کی شناخت ابھی نہیں ہو سکی ہے، جائے وقوعہ سے شواہد اکٹھے کر کے لاش مردہ خانے منتقل کر دی گئی ہے۔
- Advertisement -
پولیس حکام کے مطابق لڑکی اور اس کے قتل سے متعلق مزید تحقیقات جاری ہے۔
دوسری طرف لاہور کے علاقے ڈیفنس اے میں پولیس نے ایک کارروائی میں 10 سالہ بچے سے زیادتی کے ملزم کو گرفتار کیا ہے، بچے کے والد کی مدعیت میں ملزم کے خلاف مقدمہ درج کر لیا گیا، کینٹ کے اے ایس پی طارق محمود کے مطابق بچوں کا جنسی استحصال کرنے والوں کو کیفر کردار تک پہنچایا جائے گا۔
