The news is by your side.

Advertisement

پیٹرول کی قیمت کا تعین کرنا ہمارا کام نہیں، لاہور ہائی کورٹ

لاہور : عدالت نے پیٹرولیم مصنوعات کی قیمتوں میں اضافے کے خلاف درخواست کو مسترد کر دیا، عدالت نے ریمارکس دیئے کہ پیٹرول کی قیمت کا تعین کرنا ہمارا نہیں حکومت کا کام ہے۔

تفصیلات کے مطابق لاہور ہائی کورٹ کے جسٹس شاہد کریم نے مقامی شہری احمد اور مسعود گجر کی درخواست پر سماعت کی جس میں پیٹرولیم مصنوعات کی قیمتوں میں اضافے کو چیلنج کیا گیا تھا۔

سماعت کے دوران جسٹس شاہد کریم نے ریمارکس دیئے کہ کیا عدالت فیصلہ کرے گی پٹرول کی قیمت کیا ہونی چائیے ۔ پیٹرولیم مصنوعات کی قیمتوں کا تعین کرنا حکومت کا کام ہے کہ وہ فیصلہ کرے کہ پٹرول کی قمیت کیا ہونی چائیے۔

وکیل نے موقف اختیار کیا کہ پیٹرولیم مصنوعات کی قیمتوں میں اضافہ بنیادی حقوق کا معاملہ ہے، عدالت نے وکیل سے استفسار کیا کہ اس طرح کی غیر ضروری درخواستیں کیوں دائر کرتے ہیں؟

عدالت نے مصنوعات کی قیمتوں کے تعین کے طریقہ کار کی درخواست پر وفاقی حکومت اور اوگرا سے جواب مانگ لیا، عدالت نے اظہر صدیق ایڈووکیٹ کی درخواست پر تمام فریقین کو دو ہفتوں میں تحریری جواب داخل کرنے کی ہدایت کی۔

Comments

یہ بھی پڑھیں